{"id":6830,"date":"2021-04-19T12:09:00","date_gmt":"2021-04-19T12:09:00","guid":{"rendered":"https:\/\/www.anthem.wales\/?p=6830"},"modified":"2022-07-07T08:19:45","modified_gmt":"2022-07-07T08:19:45","slug":"creu-ffilmiau-fforwm-ieuenctid-anthem-a-lansior-wefan-newydd-gan-ella-pearson","status":"publish","type":"post","link":"https:\/\/www.anthem.wales\/cy\/creu-ffilmiau-fforwm-ieuenctid-anthem-a-lansior-wefan-newydd-gan-ella-pearson\/","title":{"rendered":"Creu ffilmiau Fforwm Ieuenctid Anthem a lansio\u2019r wefan newydd – gan Ella Pearson"},"content":{"rendered":"\n

Rhoddodd ein ymgynghoriad ieuenctid yn 2020 ddealltwriaeth wych i ni o brofiadau pobl ifanc o greu a dysgu cerddoriaeth yng Nghymru. Ond i ddenu sylw a darbwyllo cyllidwyr, rhoddwyr, llunwyr polisi ac eraill, roeddem yn gwybod bod angen i ni roi fwy o lais iddynt yn uniongyrchol. Aeth ein Fforwm Ieuenc<\/a><\/strong>tid<\/strong><\/a> i\u2019r afael \u00e2 hyn. Gwnaethom ein helpu i <\/strong>greu ein brand<\/strong><\/a> newydd<\/a>, a\u2019u ffilmio eu hunain er mwyn rhannu stor\u00efau am eu profiadau o ddysgu a chreu cerddoriaeth yng Nghymru. Ella Pearson, aelod o\u2019r Fforwm Ieuenctid, sy\u2019n s\u00f4n wrthym am y broses:<\/strong><\/p>\n\n\n\n

Yn dilyn ychydig o sesiynau cychwynnol cyfareddol gyda\u2019r Fforwm Ieuenctid, aethom yn syth i\u2019r afael \u00e2\u2019r dasg o weithio gyda\u2019r fideograffydd Bill Taylor-Beales i greu cyfres o ffilmiau sy\u2019n portreadu\u2019r heriau, y rhwystrau a wynebir, a\u2019r llawenydd mae cerddoriaeth yn ei gyflwyno i\u2019n bywydau. I gychwyn, ein tasg oedd ffilmio darnau o\u2019n amgylchedd gweithio; a ninnau\u2019n dod o amrywiaeth eang iawn o ganghennau cerddorol, roedd yn ddiddorol gweld y bydoedd y mae pobl ifanc eraill yn creu cerddoriaeth ynddynt.<\/p>\n\n\n\n

Yn dilyn gweithdy Ysgol Ffilm gafaelgar gyda Bill, lle cawsom ddysgu beth i\u2019w wneud a beth i beidio \u00e2 gwneud wrth gynhyrchu ffilmiau deniadol, roeddem yn barod i fynd ati ledled Cymru i greu ein fideos. Serch hynny, y rhan fwy cymhleth o\u2019r broses hon oedd creu\u2019r sain. Gofynnwyd i ni siarad am bedwar pwnc: beth mae cerddoriaeth yn ei olygu i ni, beth sydd wedi helpu pobl ifanc i gael i mewn i gerddoriaeth, pa rwystrau sy\u2019n rhaid iddynt wynebu ym myd cerddoriaeth, ac ar beth mae angen cymorth arnynt.<\/em><\/p>\n\n\n\n

Pe gofynnwch chi i gerddor pam eu bod yn dwlu ar gerddoriaeth, mae\u2019n si\u0175r y cewch chi ateb tebyg i \u201cDwn i ddim…rwy jyst yn dwlu arno\u201d! Mae\u2019n anodd cyfleu mewn geiriau yr angerdd dwys, tanllyd sydd gan gerddorion at eu crefft, gan olygu ei bod yn anodd i ni greu\u2019r darnau sain a fyddai\u2019n tynnu tannau calonnau\u2019r gynulleidfa a\u2019u cymell i weithredu. Ond roedd hyn oll yn rhan o\u2019r broses ddysgu, oherwydd yn sesiwn nesaf Anthem, fe wnaethom rywfaint o waith mewn grwpiau llai wedi\u2019i dargedu at ryddhau ein safbwyntiau a\u2019n teimladau am gerddoriaeth a phynciau cysylltiedig. Cawsom ein hysbrydoli gan ganlyniad y gwaith hwn. Drwy wneud hyn, roedd modd i ni fynegi ein hunain yn haws, a chafwyd sawl sgwrs wedi\u2019i gyrru gan emosiwn.<\/p>\n\n\n\n

Yn \u00f4l yn y gr\u0175p llawn wedyn, rhoesom ein hadborth; roedd y drafodaeth yn deimladwy ac roeddem yn teimlo y gallem ein hagor ein hunain i\u2019n gilydd yn llwyr, gan gyffwrdd ag ystyr cerddoriaeth i ni ar lefel ddofn (yn cynnwys gwreiddiau teuluol, a math o therapi), yn ogystal a datgelu\u2019r rhwystrau mae pobl ifanc yn eu hwynebu ar hyn o bryd mewn ffordd deimladwy a thrwyadl. Roedd yn hynod ddiddorol clywed gan wahanol gerddorion am eu stor\u00efau. Yn ogystal \u00e2 chanfod llawer o wahaniaethau yn ein profiadau, daeth rhai them\u00e2u cyffredin i\u2019r wyneb, ac roedd rhai o\u2019r rhain yn wirioneddau trist am gymaint o ddiffyg gwerthfawrogiad sydd i gerddoriaeth.<\/p>\n\n\n\n

Roedd y fflamau\u2019n cydio nawr \u2013 roedd y drafodaeth ar d\u00e2n, a\u2019r syniadau\u2019n gwreichioni rhyngom. Gallai\u2019r sesiwn adborth fod wedi para am oriau ar \u00f4l i\u2019n hamser ddod i ben, ond digon yw dweud y gwnaeth y dacteg weithio: roedd Bill a staff Anthem wedi ein helpu i fynegi ein teimladau am gerddoriaeth.<\/p>\n\n\n\n

Ar hynny, cawsom ein gadael i greu ein darnau sain ein hunain, a gwnaeth Bill wyrthiau wrth gyfuno\u2019r rhain yn y ffilmiau a fydd yn cael eu rhyddhau cyn hir. Dyna i gyd oedd ar \u00f4l wedyn oedd i Bill glywed ein barn am draciau cefndir i\u2019r ffilmiau, a darparwyd hyn yn y diwedd gan yr athrylithgar Joshua Whyte (Blank Face).<\/p>\n\n\n\n

Bu\u2019r broses o greu\u2019r fideos yma yn llawn angerdd ac yn hynod bersonol \u2013 profiad rhyfeddol fu rhyddhau\u2019r safbwyntiau a\u2019r teimladau hyn, a mawr yw fy niolch i Anthem a Bill am roi\u2019r llwyfan i ni fynegi ein hunain.<\/p>\n\n\n\n

Y mae hefyd wedi rhoi profiad amhrisiadwy i mi o weithio gyda\u2019r nod o greu ffilm addysgiadol sy\u2019n gwneud i rywun feddwl. Rwyf wedi dysgu cymaint, o sut i gael y saethiad perffaith, i sut i amlygu teimladau dwfn am gerddoriaeth. Heb os, bydd yr holl brofiad yn fy helpu yn y dyfodol, yn arbennig o ran ble i gychwyn arni wrth fynd i\u2019r afael \u00e2\u2019r anawsterau lu sy\u2019n wynebu cerddorion ifanc \u2013 rhywbeth y mae\u2019r prosiect hwn wedi fy ysbrydoli i barhau i fynd i\u2019r afael ag ef.<\/p>\n\n\n\n