Fforwm Ieuenctid Anthem

CROESO I FFORWM IEUENCTID ANTHEM

Mae Fforwm Ieuenctid Anthem yn dod â bobl ifanc greadigol 16-24 oed at ei gilydd o gymysgedd o genres a chefndiroedd cerddorol i weithio gyda ni dros gyfnod o flwyddyn. 

Gyda’n gilydd, rydym ni’n dod o hyd i ffyrdd newydd i helpu Anthem i dyfu a rhoi ein nodau a’n gwerthoedd ar waith. Mae ein Fforwm Ieuenctid yn rhan greiddiol o’n cenhadaeth, gan alluogi mynediad i gerddoriaeth a meithrin talent amrywiol er mwyn cymryd y camau nesaf tuag at yrfaoedd mewn cerddoriaeth. 

Daw aelodau’r Fforwm Ieuenctid o bob rhan o’r diwydiant. Mae’r sesiynau’n archwilio beth sydd ei angen ar bobl ifanc er mwyn symud ymlaen yn y diwydiant cerddoriaeth yng Nghymru, gan nodi a thrafod syniadau i ddatrys anawsterau, trafod strwythur cerddoriaeth yng Nghymru, ac archwilio beth all Anthem wneud i gefnogi cerddoriaeth ieuenctid yng Nghymru. 

‘Mae bod yn rhan o’r Fforwm Ieuenctid yn ffordd hwyliog ac anffurfiol i ddod i gyswllt â cherddorion ifanc eraill neu bobl sy’n gweithio yn y diwydiant cerddoriaeth.’

‘Roedd y Fforwm Ieuenctid yn gyfle gwych i gael eich clywed, a chael siarad go iawn am yr hyn sy’n cyfri am gerddoriaeth a pham ei fod yn bwysig.’

‘Drwy’r Fforwm Ieuenctid, fe wnaethom ni gael cymaint o gyfleoedd eraill, fel creu ffilmiau byr, blogiau a threfnu digwyddiad cerddoriaeth ar-lein. Roedd yn llawer o hwyl.’