Fforwm Ieuenctid Anthem 2022

Addison Gordon-Evans

Peiriannydd Sain Byw, Cerddor, Myfyriwr yn Sefydliad Bimm, Bryste

Mae gen i angerdd at gerddoriaeth am nad oes unrhyw reolau na chyfyngiadau iddi. Mae’n ffurf bersonol ar fynegiant ac yn iaith pan nad oes gennych chi unrhyw eiriau.

Mae cerddoriaeth yn therapiwtig ac yn ddyddlyfr sy’n fy ngalluogi i rannu fy storïau â chynulleidfaoedd, gan fondio gyda’n gilydd dros brofiadau cyffredin bywyd. Mae cerddoriaeth yn orfoleddus ac mae’n elfen sy’n caniatáu i mi ddeall a mynegi fy emosiynau, fy nheimladau a fy meddyliau presennol.

Bailey Love

Cerddor

O edrych ar y llun yma, nid yw’n anodd gweld sut rwy’n teimlo am gerddoriaeth. Does dim llawer o bethau eraill a all wneud i rywun dynnu wyneb fel yna.

Charlie J

Artist

I mi, mae cerddoriaeth yn ffordd i fynegi fy hun yn fewnol ond mae hefyd yn ffordd i gysylltu â phobl a all ymdeimlo â’r un emosiynau a mynegiant â’r hyn y mae’r gerddoriaeth yn eu cyfleu.

Connor Morgans

Gweithiwr Proffesiynol a Chyflwynydd Radio

Cerddoriaeth fu fy mywyd o’r cychwyn, ac rwy bob amser yn chwilio am synau a cherddorion newydd. Rwy eisiau hybu artistiaid newydd o Gymru ar fy sioeau radio a fy rhestrau chwarae a bod ar flaen y gad o ran caneuon newydd. Yn y pen draw, rwy eisiau ymdrochi mewn diwylliant sy’n fy nghyffroi, a chael fy amgylchynu ganddo, ac rwy mor ffodus i gael cyfrannu at hyn a’r sîn gerddoriaeth yma yng Nghymru.

Dafydd Hedd

Cerddor Indi Cymreig

Mae cerddoriaeth yn gyfwng rhyfeddol o bwerus ar gyfer newid cymdeithasol ac mae’n chwarae rhan enfawr yn ein hatgofion gorau.

Drew Hughs

Drymiwr

Mae cerddoriaeth yn bwysig i mi gan mai dyna’r lle y gallaf droi iddo beth bynnag yw’r sefyllfa, a dod o hyd i ennyd o ddihangfa, cyngor neu gysur.

Em

Cerddor

Mae cerddoriaeth yn bwysig i mi gan ei bod wir yn caniatáu i mi fynegi fy hun ac mae’n gwneud i mi deimlo’n dda amdanaf fy hun.

HIDDN / Tyler Jones

Cynhyrchydd

Yn fy ngherddoriaeth a fy ngyrfa, rwy eisiau gadael gwaddol o ysbrydoliaeth i bobl ifanc gredu bod unrhyw beth yn bosib.

Liam J Edwards

Canwr-gyfansoddwr Caneuon Clasurol a Phoblogaidd

Cerddoriaeth yw’r unig ffordd y gallaf wirioneddol fynegi fy hun. Mae’n ffrind bore oes sy’n gwybod fy nghyfrinachau oll, ac mae’n eithriadol o bwysig i mi, yn fy mywyd proffesiynol a phersonol. Fy nyhead pennaf o ran fy ngherddoriaeth yw cael gwrandawiad, ysbrydoli pobl, ac i’r neges fod yn bwysig i’r sawl sy’n gwrando.

Mari Mathias

Canwr-gyfansoddwr a Chynhyrchydd

Mae cerddoriaeth wedi cael effaith enfawr arnaf i a fy nhaith fel artist ac fel unigolyn. Mae’n caniatáu i mi fynegi fy meddyliau mewnol. Mae’n cynnig rhyddid mynegiant, ac mae ganddi’r pŵer i ddod â phobl ynghyd. Mae gweld sut mae cerddoriaeth yn effeithio ar gymunedau mewn ffordd mor gadarnhaol yn dod â llawenydd enfawr i mi.

Mitchell Williams

Canwr a Chyfansoddwr Caneuon Clasurol a Phoblogaidd

I mi, mae cerddoriaeth yn fframwaith ar gyfer mynegiant a chysylltiad.

Niamh O Donnell

Cyfansoddwr

Rwy wedi cael fy amgylchynu gan gerddoriaeth gydol fy mywyd, ac mae wedi chwarae rhan greiddiol wrth greu pwy ydw i fel person. Mae’n gyfrwng i fynegi emosiwn, sbarduno creadigrwydd a dod â llawenydd i eraill, a gall ddod â chymuned gyfan ynghyd.

Holy Hell / Sam Rees