Dechreuodd Rhwydwaith Atsain fel grŵp o sefydliadau cerddoriaeth ieuenctid dros Gymru wedi’u hariannu drwy ein ‘Cronfa Atsain’ a oedd yn weithredol rhwng 2020-2025. Roedden nhw’n cyfarfod yn rheolaidd i drafod materion allweddol y diwydiant, rhannu arferion a chyfeirio at rwystrau’n berthnasol at gerddoriaeth yng Nghymru.
Bwriad y Gronfa Atsain oedd i gefnogi prosiectau i bobl ifanc yn ymrwymiedig â cherddoriaeth a phrofodd rhwystrau drwy amgylchiadau bywyd, megis materion daearyddol, anabledd, iaith, hunaniaeth neu cefndir. Pan gaeodd y gronfa, gwyddem ei fod yn bwysig i gynnal cysylltiad a datblygu’r rhwydwaith yn bellach.
Er mwyn i’r ecosystem gerddoriaeth ieuenctid yn Gymru ffynnu, mae angen i bobl ifanc fod ar flaen sgyrsiau ledled y sector. Dyma pam rydyn ni eisiau ysgogi sefydliadau cerddoriaeth ieuenctid i ddod â phobl ifanc maen nhw’n meddwl byddai’n buddio o fynychu. Mi fydd ein llu o Arweinwyr Ifanc Atseinio yn cyfrannu at gyfarfodydd yn y dyfodol, rhoi adborth ac yn rhannu beth gall sefydliadau ddysgu wrth weithio gyda phobl ifanc.
Bwriad y rhwydwaith yw i alluogi gwybodaeth er mwyn ei rannu, meithrin cydweithredu yn y gymuned a chefnogi arfer da. Gobeithiwn fod bodolaeth a gwaith y Rhwydwaith Atsain yn arwain at newid bwriadol a strategol i Gymru sy’n cynrychioli lled o fywydau.
Y mae cymryd rhan yn y rhwydwaith yn rhad ac am ddim.
“Rydym yn gwmni newydd iawn a rydyn ni’n dysgu gymaint. Mae cysylltu ag eraill yn ystod y cyfnod cynnar hwn yn hollbwysig i ni. Diolch.” Aelod y rhwydwaith
A ydych chi â diddordeb mewn ymuno â’r Rhwydwaith Atsain?